وباء الفرح
بتين يجينا وينتشر
العدوي تدخل  كل بيت
ما تخلي زول ما تمسكوا
نضحك برانا ونبتسم
نضحك من الاعماق عديل
طولنا نحنا من الفرح
اشتقنا ياخ لي القهقهه
ولمتنا في شاي الصباح
والقهوه زاتا مجهجهه
#اسامه سعيد ابو الباشق#

حرام عليك تجفا
تتغابي في العرفه
 ياسارق اللهفه
زول كان بيحلم بيك
متخيل الزفه
اذيت مشاعر كان 
تهواكا بي عفه
خليتو يبكي وراك
دمع العيون جفا
عيشتو في اوهام
مصنوعه بي حرفه
سقيتو كاس المر 
خليتوا في الضفه 
ضيعتا اجمل ريد
لاقيتوا بالصدفه

#اوراق ملقيه #
#اسامه سعيد ابو الباشق#